كود سبور//
طلّع المغرب النيفو بزاف ملي نظم احسن نسخة فكاس افريقيا 2025، ودابا راه الاتحاد الافريقي لكرة القدم يقدر يؤجل نسخة 2027 لمدة عام، حيث الثلاثي كينيا وتنزانيا وأوگندا مازال ما واجدينش لتنظيم البطولة.
وحسب جريدة The guardian فكاينين مخاوف كبيرة داخل اللجنة التنفيذية للاتحاد الافريقي لكرة القدم، بشأن البنية التحتية فكينيا وتنزانيا وأوگندا وقدرتها على استيعاب بطولة فيها 24 منتخب مفرقين على 10 مدن، مع العلم ان هذه الدول واجهات صعوبات غير فتنظيم كاس افريقيا للمحليين صيف 2025، بخصوص إصدار التذاكر والأجراءات الأمنية فالملاعب، من غير برنامج التأهل للبطولة اللي معنكش ومزاحم حيث كاين كاس العالم الصيف الجاي.
وإلى تأجلت نسخة كاس افريقيا 2027 لمدة 12 شهر، اي حتى 2028، راه غادي يؤثر هذا الشي على نسخة كاس أفريقيا 2028، واللي غادي تكون اول نسخة كاتلعب كل 4 سنين فبلاصة عامين، حيث ما يمكنش يتلعبو 2 نسخ فعام واحد.