كود سبور كازا ///
وليد الركراكي سالى مهمتو مدرب للاسود بعد التسريب اللي خرج واتهم باللي هو مولاه. تسريب فيه باللي الركراكي استاقل من تدريب الاسود وعندو عروض من الخاريج. بعدها ما خرجش كذب ولا نفى. ابدا. الجامعة الملكية المغربية لكرة القدم هي اللي نفات.
كون ما كانش الدخان فهاد لخبار كون خرج الركراكي ينفي راسو.
دابا ما بقى والو للمونديال. الجامعة ما كتسناش يزيد الضغط على الاسود. راه عندها خيارات كثيرة.
تقدر تبقى غادية فنفس الاتجاه وتجيب مدرب مغربي بحال عموتة الحسين ولا طارق السكيتيوي ولا محمد وهبي. يقدرو يجيبو مدرب غير للمونديال يتفارقو معاه من بعد. كاين لوريسك ولكن هادي هي الكورة. يقدر يكون مدرب كبير بحال البرتغالي مورينهو او الفرنسي زين الدين زيدان او الاسباني انييستا