كود – مراكش //
كيتصور واحد الفيلم وثائقي على ابن رشد بمناسبة 900 عام على ولادتو، ولي غادي يكونو فيه لقطات فمدينة مراكش، اللي عاش فيها الفيلسوف الأندلسي عام 1198، وهاد المدينة عندها مكانة خاصة فآخر مراحل حياتو.
الفيلم سميتو “المعلق” وكيركز على المسار الفكري والإنساني ديال هاد الشخصية الكبيرة فالحضارة الأندلسية ، ابن رشد كان مشهور بكتبو على أفلاطون وأرسطو، وكان واحد من كبار الناس اللي داو نقلو المعرفة القديمة لأوروبا فالقرون الوسطى، وساهم بشكل كبير فنهضة الفلسفة فالغرب، حسب ما قالت جامعة قرطبة اللي كاتشارك فإنتاج هاد الوثائقي.
المشروع بدا بتصوير المشاهد فـ لوكينا، اللي كان واحد البلاصة اللي تهجر فيها الفيلسوف، ومن بعد تم تصوير لقطات فـ قرطبة، المدينة اللي تزاد فيها ابن رشد، وغادي يمشيو حتى لــ مراكش. الهدف هو باش يحطو القصة وسط التاريخ والتراث ديال البلايص اللي شكلات حياة “المعلق”، اللي مع الوقت ولى رمز للحوار بين الثقافات.
هاد الوثائقي جا فالإطار ديال الاحتفالات بالذكرى 900 لميلاد ابن رشد، واللي منظمينها بزاف ديال المؤسسات العمومية، ومعاها برنامج ديال أنشطة ثقافية وأكاديمية طول العام.
القمة ديال هاد الاحتفالات غادي تكون فـ ندوة دولية ما بين 27 و29 أبريل فـ Casa Árabe فقرطبة، غادي يجيو الباحثين والمتخصصين من بزاف ديال البلايص باش يناقشو الأثر الفلسفي والقانوني والطبي لأعمال ابن رشد، وكيفاش مازال عندها علاقة بالقضايا المعاصرة.
المشروع كيبغي يقدم عمل فني يكون ساهل باش الناس يفهموه، ولكن فنفس الوقت يوري عمق الفكر ديال ابن رشد، اللي خلاه واحد من كبار القناطر بين الشرق والغرب.