النحلة أوناحي رجع يلعب وحيح مع جيرونا قبل شهر من ماتشات المغرب

كود سبور//

رجع الدولي المغربي عز الدين اوناحي يلعب، بعد غياب لأكثر من شهر بسبب إصابة كان تعرض لها مع المنتخب الوطني المغربي فكأس إفريقيا 2025، والرجوع ديالو كان قوي مع جيرونا الإسباني.

عز الدين اوناحي دخل فالشوط الثاني من ماتش جيرونا ضد رايو فايكانو ضمن الدورة 25 من منافسات بطولة الصبليون اليوم الاثنين، وبالضبط فالدقيقة 68، وقدر يعطي اسيست الهدف الثاني ديال جيرونا، ودار دقايق مزيانين وكان غادي يماركي، والتألق ديالو خلى جريدة ماركا الإسبانية تختارو مع أحسن تشكيلة لهذه الدورة، مع العلم أن الماتش عرف أيضا مشاركة الموهبة المغربية يوسف لخديم من جانب رايو فايكانو وكان ورا اسيست هدف التعادل.

الرجوع القوي ديال النحلة عز الدين أوناحي للعب بعد كثر من شهر وهو موعت، كايعطي مؤشرات على أنه غادي يكون فلاليست د المنتخب الوطني المغربي فالماتشات الوديين الجوج اللي جايين بعد شهر من دابا ضد كل من الإكوادور والباراگواي استعدادا لكاس العالم 2026.

إقرأ الخبر من مصدره