البطولة: الوداد ربحو بركان فماتش صعيب والرجا خداو الصدارة بالرباح على الحسنية فأكادير

كود سبور//

حقق الوداد الرياضي رباح مهم واخا كان صعيب على نهضة بركان يوم الاحد فستاد دونور ضمن الدورة 14 من البطولة الاحترافية.

وسالا الماتش بين الوداد الرياضي ونهضة بركان بنتيجة واحد لزيرو لمصلحة الفريق الأحمر، اللي تسناو حتى الدقيقة الأخيرة من الماتش فين قدرو يماركيو هدف الرباح بواسطة زياش من بينالتي.

وبهذا الرباح خداو الوداد الرياضي 3 نقطة رفع بها الفريق الرصيد ديالو إلى 26 نقطة، ومحتل المركز الثاني مؤقتا مع 4 الماتشات مؤجلين، أما نهضة بركان بقات عندهم 18 نقطة ومحتلين المركز 7 مع 4 الماتشات مؤجلين.

وعن نفس الدورة وفنفس الوقت، قدرو الرجاء الرياضي يرجعو برباح مهم من أكادير على الحسنية فتيران أكادير الكبير.

وسالا الماتش بين الرجاء الرياضي وحسنية أكادير بنتيجة واحد لزيرو لمصلحة الفريق الأخضر، والهدف د الرباح ماركاه النيجيري ماتياس فالدقيقة 14.

الرجاء الرياضي بهذا الرباح خداو الصدارة بوحدهم مؤقتا برصيد 27 نقطة، أما حسنية أكادير بقات عندهم بعد هذه الخسارة 15 نقطة ومحتلين المركز 9.

إقرأ الخبر من مصدره