وكالات//
الفنانة أصالة نصري كتستعد ترجع لسوريا قبل نهاية شهر مارس، بعد غياب دام قرابة 15 عام، فخطوة مترقبة بزاف من طرف جمهورها داخل البلاد وخارجها.
نقيب الفنانين السوريين، مازن الناطور، أكد أن النقابة خدامة على تنسيق هاد الزيارة، واعتبر أصالة من أبرز رموز الفن السوري.
وفمقابلة مع القناة الثانية للتلفزيون السوري، قال إن النقابة دارت مجهود كبير باش تسهّل عودتها، خصوصا أنها ممكن تشارك فاحتفالية فنية كبيرة مبرمجة يوم 18 مارس.
وكان الموسيقي أنس نصري، خو أصالة، زار سوريا العام اللي فات وتلاقى مع مسؤولين من نقابة الفنانين باش ينسقو لهاد الزيارة، لكن الموعد اللي كان متوقع قبل نهاية السنة الماضية تأجل فداك الوقت.