كود سبور//
غايديرو الوداد الرياضي اجتماع مع المدرب هشام£ بنهاشم، بعد الانتقادات القوية اللي تعرض لها بسبب مستوى الفريق اللي بان به فالماتشات اللي فاتو، وآخر مباراة ضد اولمبيك اسفي اللي تعادلو فيها بنتيجة واحد لواحد البارح الاحد ضمن ذهاب ربع نهائي كاس الكونفيدرالية الإفريقية فتيران المسيرة الخضرا فأسفي.
وقررت إدارة الوداد الرياضي برئاسة هشام ايت منة، عقد اجتماع مع المدرب امين بنهاشم، لتقييم العمل ديالو والمستوى التقني د الفريق الأحمر تحت الإشراف ديالو.
وكاينة احتجاجات قوية من طرف جمهور الوداد الرياضي على امين بنهاشم، ومطالب بالإقالة ديالو من تدريب الفريق، بسبب المستوى اللي كايشوفوه بزاف د الوداديين ماشي مزيان.
ومن جهة أخرى، كشفت مصادر مطلعة ان إمكانية رحيل امين بنهاشم من الوداد الرياضي ممكنة، وأبرز المرشحين باش ياخدو بلاصتو الحسن عموتة اللي كان هو وإدارة النادي ما تفاهموش، وكاين حتى امين الكرمة اللي فايت له درب نهضة بركان وأولمبيك اسفي وربح معهم كاس العرش.