وكالات//
أثارت النجمة الهوليوودية ديمي مور موجة كبيرة ديال التعليقات بعدما بانت بنحافة لافتة خلال حضورها حفل جوائز الأوسكار وحفل فانيتي فير اللي كيتدار كل عام مباشرة من بعد توزيع الجوائز.
الممثلة اللي عندها 63 عام خطفات الأنظار فوق السجادة الحمراء بسبب النحافة ديالها اللي بانـت واضحة مقارنة مع الظهورات السابقة ديالها. ورغم أن ديمي مور معروفة دائما بقوامها الرشيق، بزاف ديال المتابعين لاحظو أن وزنها نقص أكثر من المعتاد فالفترة الأخيرة، وهاد الشي خلق نقاش واسع فمواقع التواصل الاجتماعي.
وزادت التكهنات أكثر بعدما ظهرت حتى فمناسبات فنية أخرى فموسم الجوائز، من بينها حفل Screen Actors Guild Awards، فين بان كذلك أن جسمها ولا أنحف من قبل.
هاد التغيير فالمظهر خلا بعض مستعملي الإنترنت يتساءلو على السبب، بينما ربط آخرون الأمر بشائعات مازال ما مأكداش حول استعمال أدوية للتنحيف اللي أصلا كتستعمل لعلاج مرض السكري، لكنها ولات موضوع جدل فهوليوود بسبب استعمالها خارج الإطار الطبي لإنقاص الوزن. وحتى لدابا، ما خرج حتى تعليق رسمي من ديمي مور بخصوص هاد التكهنات.