كود سبور//
عاشت شوارع فاس، مساء الثلاثاء، على وقع فرحة كبيرة مباشرة بعد الإعلان عن فوز المنتخب المغربي بنهائي “كان المغرب 2025”. خرجو عدد من المواطنين يحتافلو، ولكن الاحتفالات كانت فالغالب من داخل الطوموبيلات بسبب الشتا الخفيفة والرياح اللي عرفاتها المدينة.
وفجولة دارتها “كود”، تبين أن بزاف ديال الناس ما كانوش عارفين التفاصيل ديال هاد الفوز، بحيث اعتبر عدد منهم فالبداية الخبر غير إشاعة دايرة فمواقع التواصل الاجتماعي، حتى خرجات التأكيدات الرسمية من البلاغ ديال الاتحاد الإفريقي لكرة القدم، واللي تنقل حتى فالقنوات والإذاعات الوطنية.
وبالتزامن مع هاد الأجواء، عرفات عدة شوارع رئيسية ففاس، بحال شارع علال ابن عبد الله وشارع الحسن الثاني وشارع الجيش الملكي، انتشار أمني ملحوظ، الهدف منو تنظيم حركة السير وضمان الانسيابية ديال التنقل.
وكانت لجنة الاستئناف ديال “الكاف” علنات، فنهار اليوم، على هزيمة المنتخب السنغالي بالانسحاب من النهائي، تطبيقا للمادة 84 من قانون البطولة، وهو القرار اللي عطى الفوز للمنتخب المغربي بنتيجة 3-0.
https://www.facebook.com/share/v/14ZRWPPi5vW/