كود تمارة//
فإطار الحملات ديال المراقبة، خاصة فهاد شهر رمضان الفضيل، اللجنة الإقليمية لمراقبة جودة المنتوجات الاستهلاكية فتمارة قامت بحجز كميات كبيرة داللحوم غير صالحة للاستهلاك، اللي كانت معروضة للبيع فواحد محل للجزارة فالملحقة الإدارية المركزية.
وحسب البلاغ اللي توصل به كود، التحاليل اللي دارت على عينات من اللحوم بينات وجود بكتيريات كتقدر تسبب تسممات غذائية، واللحوم كانت مخزنة فظروف ما كتوافقش المعايير التنظيمية والبيطرية.
على هاد الشي، تم توقيف نشاط المحل وتحويل القضية للنيابة العامة لاتخاذ الإجراءات القانونية اللازمة.