كود – بني ملال //
تضرب محمد آيت الوسكاري المعروف بمول القفة بثلاثة أشهر حبسا نافذا، بموجب حكم صادر على المحكمة الابتدائية بمدينة قصبة تادلة يوم الخميس 19 مارس 2026.
النيابة العامة وجهات ليه تهم كتعلق بإهانة هيئة منظمة، وإهانة موظفين عموميين، إضافة إلى ممارسة العنف ضدهم، على خلفية وقفة احتجاجية كان دارها قدام الباشوية فين وقع ليه احتكاك مع أحد الأعوان، الوسكاري كان تشهر بواقعة إرجاعو لـ“قفة رمضان” للسلطات المحلية، وهي الخطوة لي دارت نقاش كبير على سوشيال ميديا فالمغرب .
محمد آيت الوسكاري معروف بنشاطو الحقوقي، كما سبق ليه دار إضراب على الطعام طويل واعتصام فوق برج الاتصالات وقبلها طلع فوق القنطرة بمدينة قصبة تادلة.
قبل أيام من الحادثة لي تم اعتقالو على إثرها، كان لوسكاري عيط ليه البوليس، وسمع ليه على ود الفيديو اللي تصوّر فيه وهو كيرجّع قفة رمضان قبل ما يتطلق سراحو.