مالك بنطلحة عوض الدبوز فمهرجان “مراكش للضحك”.. وها تفاصيل اخرى

كود -مراكش //

من بعد الغياب لي دام 4 سنين، غادي يرجع مهرجان “مراكش للضحك” من جديد، ولكن هاد المرة بشكل آخر، سوا من حيث الاسم ولا من الطريقة ديال التنظيم وحتى الفريق اللي كيسير المهرجان.

المهرجان لي ولا اسمو “Marrakech Comedy Festival”، غادي يتنظم ما بين 4 و6 يونيو 2026، فـقصر المؤتمرات عوض قصر البديع فمراكش .

المهرجان غادي دوزو منصة Disney+ و2M وTV5 Monde، حتى الجهة المنظمة تبدلات، حيث قرر جمال دبوز يعطي مسؤولية الإشراف على المهرجان لخوه كريم دبوز، اللي كان من المؤسسين، وغادي يتكلف بالإنتاج.

أما تنشيط العروض غادي يتكلف به مالك بنطلحة لي عندو أصول جزائرية مغربية، مالك بنطلحة قال فتصريحات لجريدة “لو باريزيان” بللي هاد المهرجان كيمثل “ قصة جديدة”، وأكد باللي الهدف هو تقديم تجربة مختلفة وفتح صفحة جديدة، وماشي تعويض جمال دبوز.

وباش يوضح الفكرة ديال المشروع الجديد، قال بنطلحة إن المهرجان باغي يبني جسور بين جوج شعوب خوت، وبشكل أوسع داخل الفضاء الفرنكفوني، مؤكداً أن روح المهرجان مبنية على الفكاهة والمحبة والأخوة.

أما بخصوص المشاركين، فتعلن حضور عدد من الكوميديين، منهم: بول دو سان سيرنان، مريم بنوعة، ونوردين غانسو، إضافة إلى فنانين آخرين من فرنسا والمغرب وإفريقيا.

إقرأ الخبر من مصدره