گود سبور//
تعادل المنتخب الوطني المغربي مع الإكوادور فأول ماتش له مع المدرب الجديد محمد وهبي، اليوم الجمعة وهو ماتش أميكال فتيران ميترو بوليتانو فالعاصمة الإسبانية مدريد.
وسالا الماتش بين المنتخب الوطني المغربي والإكوادور بنتيجة التعادل الإيجابي 1-1، وقدرو الاكوادور يماركيو الهدف فالدقيق 48 بواسطة جون زامورا، بعد استغلو هفوة فدفاع المنتخب الوطني المغربي، مع العلم ان الأسود جاتهم من وراها فرصة تسجيل التعادل ملي زگل نايل العيناوي بينالتي وملي رجعت الكورة ماركاها ربيع حريمات ولكن الحكم جيد الهدف بداعي خطأ، ومن وراها دار الناخب الوطني تغييرت ودخل رحيمي وأنس صلاح الدين وبالخنوس وشمس الطالبي، وضغطو لاعبين المنتخب المغربي، وقدرو يماركيو هدف التعادل بواسط نايل العيناوي اللي هذه المرة تهز قدام مدافعين الإكوادور وضرب الكورة للشبكة فالدقيقة 88 بعد تمريرة من كورنير ديال اشرف حكيمي.
المنتخب الوطني المغربي دابا غادي يمشيو لفرنسا باش يلعب ضد منتخب الباراگواي يوم الثلاثاء الجاي، فماتش ودي ثاني استعدادا لكاس العالم 2026.