وكالات//
قررات شبكة إتش بي أو تدير إجراءات أمنية مشددة لحماية طاقم مسلسل “هاري بوتر” الجديد، من بعد ما تعرّض الممثل بابا إيسيدو لتهديدات بالقتل وتعليقات عنصرية.
إيسيدو غادي يجسد شخصية سيفيروس سناب، وهو الاختيار اللي خلق جدل كبير بين الجمهور.
رئيس الشبكة، كيسي بلويز، قال أنهم كانو متوقعين ردود فعل سلبية بسبب شعبية السلسلة، ودارو تدريبات خاصة للممثلين باش يتعاملو مع الضغط ديال السوشيال ميديا، إضافة لفريق أمني.
ومن جهتو، قال إيسيدو أن هاد التجربة صعيبة، ولكن زادت عطاتو حافز باش يتمسك بالدور، خصوصاً أنه كان ديما باغي يكون جزء من عالم “هاري بوتر”.