كود – كازا //
نفى الممثل المغربي عبد الرحيم المنياري الإشاعات اللي دارت على أنه اعتازل الفن وتاب، ووضح باللي باقي مستمر فخدمتو الفنية وما عندو حتى نية ينساحب.
وقال المنياري فتصريحو لبعض وسائل الإعلام بلي “ما كيدير حتى شي أعمال محرمة باش يعلن التوبة ديالو”، وأكد أن المسيرة الفنية ديالو ديما ملتزمة بالقيم ديالو الشخصية، وزاد وضح أن الصورة اللي دايرة ليه مع واحد ملتحي راه غير من عمل فني جديد خدام عليه، وماشي دليل على شي تغيير كبير فحياتو.
وجا هاد التوضيح منو بعدما انتشرو إشاعات فمواقع التواصل الاجتماعي، اللي خلات تفاعل كبير، وكتقول بلي المنياري تاب واعتازل التمثيل وباغي يبدا صفحة جديدة بعيد على الأضواء.
وفالأخير، أكد المنياري أنه باقي غادي فالمجال الفني ديالو، وطلب من الجمهور يتحقق من الأخبار قبل ما ينشروها.