گود سبور//
حافظ المنتخب الوطني المغربي على المركز ديالو الثامن فالتصنيف الجديد ديال الاتحاد الدولي لكرة القدم.
وبقى المنتخب الوطني المغربي محتل المركز الثامن عالميا فالتصنيف ديال الفيفا الصادر اليوم الاربعاء فاتح أبريل 2026، ورفع الرصيد ديالو إلى 1755.87 نقطة.
وضيع المنتخب الوطني المغربي فرصة يطلع فالتصنيف الجديد ديال الفيفا، ملي تعادل ضد منتخب الإكوادور فالماتش الودي اللي فات بنتيجة 1-1، ومحتلين البرازيل المركز السادس برصيد 1761.16، وهولندا السابعين برصيد 1757.87.
وحافظ المنتخب الوطني المغربي، على صدارة الترتيب الإفريقي، متبوع بمنتخب السنغال اللي محتل المركز 14 عالميا، ونيجيريا الثالثة ومحتلين المركز 26 عالميا.
أما صدارة الترتيب العالمي، طارو بها فرنسا وحيدها للصبليون اللي تراجعو للمركز الثاني عالميا، ثم الأرجنتين اللي محتلين المركز الثالث.