تفاهمو بيناتكم وعطيونا شي هضرة مفهومة تقنع المغاربة
بقلم: عبد الهادي بريويك
بصراحة، اللي قال لحسن السعدي فداك اللقاء مع رضوان الرمضاني ما يمكنش يتفهم غير على أنه استهزاء صريح بعقول المغاربة.
ملي مسؤول حكومي يخرج يقول لينا بأن “الفراقشية” غير خيال، فراه ماشي غير كيهضر على المعارضة، راه كيتهم شعب كامل بالوهم وقلة الفهم… وهذا تجاوز خطير.
واش حنا مغاربة ولا كومبارس فمسرحية؟
واش اللي كنشوفو بعينينا ونسمعو بودانينا ونحسو به فجيوبنا كامل غير “خيال”؟
إلى كانت “الفراقشية” وهم، جاوبونا بلا دوران:
علاش التوظيفات المشبوهة كتطلع كل مرة وكتدوز بلا…