گود سبور//
حدد الاتحاد الدولي لكرة القدم، مواعيد تسجيل الاتحاد الوطنية للاعبين اللي غادي يشاركو مع منتخباتهم فكاس العالم 2026.
وغادي يحل الاتحاد الدولي لكرة القدم موعد تقديم المنتخبات الوطنية للوائح الاولية ديالهم اللي فيها 50 لاعب يوم 11 ماي 2026، والموعد النهائي لتسجيل اللوائح النهائية يوم 30 ماي 2026، واللائحة النهائية فيها 26 لاعب.
ومن المنتظر تعرف لائحة المنتخب الوطني المغربي المشاركة فكاس العالم 2026، منافسة قوي بين عدد من اللاعبين باش يضمنو بلاصتهم فيها، خصوصا بعد الظهور القوي والمميز لعدد من العناصر الجديدة فالماتشات الجوج الوديين اللي فات ضد الاكوادور والباراگواي، واللي عيط له الناخب الوطني محمد وهبي باش يعطيهم فرصة ويشوف مستواهم، وعطى فرصة للعدد آخر من اللاعبين باش يرتاحو ويتافسو مع فراقيهم كثر بحال امرابط وأگرد والنصير اللي ما عيطش لهم.