“ليگو” جمعات رونالدو وميسي ومبابي وفينيسيوس فاشهار واحد! – فيديو

كود سبور //

فواحد الديكور اللي يقدر شي واحد يحساب ليه غير دكاء اصطناعي ، شركة ليغو (LEGO) العالمية دارت إنجاز كبير مني جمعات كريستيانو رونالدو وليونيل ميسي فاصافاص فواحد الإشهار اللي كيأكّد مجموعتها الخاصة بكاس العالم 2026.

https://www.instagram.com/reel/DWnBCQLj7iW/?igsh=NmZmazl4MjF3Z2Vm

الشركة ما وقفاتش غير عند “الدون” و”البرغوث” ولكن حطّات معاهوم حتى كيليان مبابي وفينيسيوس جونيور.

التماثيل الصغيرة (Minifigures) تصممات باش تجسّد شخصية كل لاعب وتفاصيلو ، والهدف ديالها تقريب المشجعين لعالم البكسلات الافتراضية ،كل لاعب عندو قاعدة خاصة بالحرف الأول من اسمو ،رونالدو على حرف R مع شعار CR7، وميسي على حرف M مع الرقم 10 وألوان الأرجنتين.

والمجموعات فيها “بيض عيد الفصح” مخبية، اللي كتعاود لحظات صغيرة من السيطرة والإبداع ديال اللاعبين، وهاذ الشي كيزيد قيمة فنية لعشاق ليغو والكرة.

هاد التعاون كيرجعنا لصورة مشهورة ديال رونالدو وميسي كيلعبو الشطرنج على الصاك ديال لوي فيتون قبل مونديال قطر 2022، ولكن هاد المرة بلمسة ليغو، اللي الهدف منها تقريب المعجبين من نجومهم المفضلين.

إقرأ الخبر من مصدره