وراء كل فنان عظيم امرأة.. طابلوات فنية تاريخية رسموهم عيالات ولكن تنسبو للرجال

كود-telegrafi//

عدد من الأعمال الفنية الكبرى اللي مشهورة ومعروفة فالتاريخ كانت من إبداع العيالات ، وخا أنها تنسبات للرجال بسبب النظرة التقليدية لي كانت فديك الوقت.

أول مثال على هاد الظلم هو طابلو المعروفيال  The Triumph of Bacchus، اللوحة الكبيرة ديال الفنانة الفلمنكية Michaelina Wautier (1655-1659)، اللي بقات مخبية فمخازن متحف ففيينا حتى اكتشفتها مؤرخة الفن كاتلين فان دير ستيغيلين عام  1993، اللوحة كانت منسوبة لخوها واليوم ولات معروفة كواحدة من أشهر أعمالها.

أما الفنانة الطاليانية Artemisia Gentileschi مثال آخر ديال الأعمال اللي كانت معروفة بالقوة والدراما واللي عدد منهم تنسبو غلط لباها ، ومن بين هذه الأعمال، Self-Portrait as Saint Catherine of Alexandria واللي ما تعترف رسميًا كعمل ليها إلا ف2017.

وففهولندا الفنانة Judith Leyster، المعروفة بطابلواتها ديال الحياة اليومية ، كانت أعمالها منسوبة لراجلها و لفنانين اخرين مشهورين، بحال لوحة The Merry Couple.

وفالقرن العشرين، البارونة Elsa von Freytag-Loringhoven، رائدة حركة دادا، خلات اعمال  بحال God،اللي كانت منسوبة  لفنانين ذكور حتى القرن 21,أما الفنانة الأمريكية Margaret Keane، مولات طابلو العيون الكبيرة، عانات من نسب أعمالها لراجلها، وخا أنها مبدعة حقيقية.

اليوم كاين اهتمام كبير ديال إعادة الاعتبار للفنانات، والمعارض الحالية بحال ديال Michaelina Wautier فالأكاديمية الملكية بلندن كتخدم باش تسلط الضو على الإبداع النسائي اللي تنسا هادي قرون.

إقرأ الخبر من مصدره