كود دار بوعزة ////
وزارة الداخلية من خلال سلطاتها المحلية كانت بدات عملية كلشي اشاد بيها باش بدات تريب هنگارات عشوائية فدار بوعزة وولاد صالح وولاد عزوز…. نجحات فهاد لشي وحاربات التسيب. هاد العملية كانت شملات حتى “قصر لكريملن” اللي كاين حدا المدينة الخضرا فبوسكورة.
غير اللي ما مفهومش وما قدر حتى حد يستوعبو هو كيفاش هنگار دايرو ملايري سمسار كيستاغل الصحافة كواجهة بتوطؤ من سياسيين كبار فالمغرب =لانهم عارفينو وساكتين عليه وكيدعموه حتى بعد شوهتو العالمية= هاد الهنكار كيف قلنا دايرو لمراتو ورجعو مصنع لتحويل الصوصيص بملونات. اي داير نشاط صناعي فمنطقة فلاحية وحاصل على رخص من احد كبار الفاسدين فدار بوعزة صديقو شكري رئيس الجماعة الاسبق والمبحوث عنه واللي خاصو يتحاكم ومازال هارب واخا هو وصحابو عارفينو فين كاين.
كان هاد المصنع خاصو يريب قبل رمضان، يبدو ان السمسار الملايري اللي كيستاغل الصحافة وبعد ما حس باللي قريب يطيح، سرب لخبار. علاش لانو استافد من نشرها واخا كتهمو وقدر يرجع نشاطو فتحدي اخر لوزير الداخلية وللسلطات المحلية.
خاص فتح تحقيق على كيفاش فشلات الداخلية فتطبيق القانون وكيفاش عجزات ضد ملايري كيقول بالي قادر يطيح بلفتيت وغيرو.
ريحة اسمو عاطية هاد ليام غير فقضايا الفساد والسطو على العقارات ولخنز