گود سبور//
باغيين اللاعبين ديال الكونگو الديمقراطية، يديو معهم المشجع ميشيل كوكا المعروف بـ “باتريس لومومبا” لمونديال 2026، فالميريكان وكندا والمكسيك.
وحسب وسائل إعلام كونگولية، فلاعبين منتخب الكونگو الديمقراطية اللي أهلو بلادهم لكاس العالم 2026 بعد غياب لأكثر من 50 عام، رفعو طلب للمسؤولين فبلادهم باش يديرو معه المشجع “باتريس لومومبا” مع بعثة المنتخب الكونگولي اللي غادي تمشي لمونديال 2026.
وكايجي هذا الطلب، حيث ما قدرش “باتريس لومومبا” يحضر باراج كاس العالم 2026، لتشجيع منتخب الكونگو الديمقراطية ضد جاميكا قبل أيام فالمكسيك بسبب الفيزا ديال المكسيك اللي ما قدرش ياخذها واخا ديبلاصا على قبلها حتى كينيا وإثيوبيا.
وتعرف باتريس لومومبا بزاف فكاس أفريقيا “المغرب2025″، وكان هو الأيقونة اللي زينت التيرانات المغربية فهاد البطولة اللي نجح المغرب فتنظيمها من جميع النواحي وخلاها أحسن كاس أفريقيا فالتاريخ.