الفيلم الجديد ديال سوبر ماريو بدا مجهد و كيحقق ارباح كبيرة

كود -fantasylandnews//

فيلم The Super Mario Galaxy Movie لي خرج في 28 مارس 2026 دار بداية مجهدة مني قدر يربح 34.5 مليون دولار فنهارو الأول فمريكان غير من تكيتات فالسينما وحتى فالسوق العالمية ربح الفيلم 33.9 مليون دولار من 78 دولة، هاد الأرقام كتعكس الشعبية الكبيرة ديال الفيلم  فالعالم كامل.

التوقعات كتشير أن الفيلم غادي يحقق ما بين 190 و200 مليون دولار فميريكان فالويكاند اللول، وممكن يوصل عالمياً حتى لـ375 مليون دولار، الشي اللي كيخليه مرشح بقوة باش يكون أكبر افتتاح سينمائي فهاد العام.

وخا هاد الانطلاقة القوية، التحدي الكبير باقي هو واش يقدر يفوت الجزء لي فات The Super Mario Bros Movie، اللي قدر يوصل لـ1.3 مليار دولار عالمياً، وحقق أرقام قياسية فالأيام الأولى ديالو ؟

القصة ديال الفيلم الجدي كتهضر على مغامرة فضائية، فين ماريو ولويجي كيمشيو فمهمة جديدة وكيواجهو باوزر بمساعدة شخصيات معروفة بحال يوشي والأميرة بيتش، وسط أجواء فيها كوميديا وتشويق، مع مشاركة نجوم كبار فالأداء الصوتي بحال Chris Pratt وJack Black.

إقرأ الخبر من مصدره