دابا ولا ممكن نفهمو لغة الحيوانات …بياسة كترجم لك اش بغا يقول لك كلبك ولا قطك

كود – وكالات //

خرج واحد الجهاز جديدة فمجال الذكاء الاصطناعي سميتو PettiChat، وكيحاول يقرب التواصل بين الناس والحيوانات بحال الكلاب والقطوط ،هاد الجهاز كيتحط فعنق الحيوان، وكيخدم بتقنية كتترجم النباح الكلاب وتمواك المشاش، الفكرة هي أنك تقدر تفهم شنو باغي الحيوان ديالك، وفنفس الوقت حتى هو “يفهمك” بطريقة رقمية.

حسب المطورين، النظام تدرب على أكثر من 1.5 مليون عينة حقيقية، فيها أصوات وسلوكات مختلفة، مع آلاف الساعات ديال الفيديو ،هاد الشي خلاه يميز بين أنواع كثيرة ديال اصوات المشاش والكلاب، بحال الجوع، الخوف، اللعب ولا القلق و كيقولوا حتى أن نسبة الدقة كتوصل لـ94%، وباستجابة سريعة فحدود ثانية وحدة.

الجهاز خفيف (27 غرام)، مقاوم للماء، وفيه ميكروفونات حساسة كيلقطو أدق التفاصيل ،الباتري ديالو كيدوم حتى جوج سيمانات، وكيجي مع تطبيق فالتلفون فيه خاصية تسجيل “المحادثات” مع الحيوان، وحتى تدريب النظام باش يتأقلم مع سلوك الحيوان ديالك.

إقرأ الخبر من مصدره