كود سبور//
عاقبت العصبة الوطنية لكرة القدم الاحترافية، فريقي الجيش الملكي والرجاء الرياضي بسبب احداث الشغب اللي وقعت فالكلاسيكو البارح الخميس فتيران مولاي عبد الله ضمن الدورة 17 من البطولة.
قررت العصبة الاحترافية معاقبة فريق الجيش الملكي مستضيف الماتش بالمنع من حضور الجمهور ديال لخمسة الماتشات الجايين اللي غادي يستقبل، مع منع الجمهور ديالو من التنقل فما تبقى من ماتشات هذا الموسم، ومنع الفريق من الاستقبال فتيران مولاي عبد الله ما تبقى من هذا الموسم باستثناء ماتش فينال دوري أبطال أفريقيا وغادي يخلص غرامة 20 مليون سنتيم.
اما الرجاء الرياضي الضيف، فقرر العصبة الاحترافية حرمان الفريق من الاستقبال بالجمهور لثلاثة الماتشات الجايين اللي غادي يستقبلهم، وحرمان الجمهور ديالو من التنقل فما تبقى من ماتشات هذا الموسم وغادي يخلصو الفراقي بجوج غرامة مالية 20 مليون ويصلحو داكشي اللي تهرس فالتيران.
والفراقي بجوج غادي يتفارضو النص بالنص باش يصلحو الأضرار اللي تعرض لها تيران مولاي عبد الله.