كود – ورزازات //
صادقات لجنة دعم إنتاج الأعمال السينمائية، فالدورة اللولة ديالها لعام 2026 اللي تنظمات ما بين 20 و30 أبريل، على تمويل 29 مشروع سينمائي بفلوس وصلات 2 ملاير ونص سنتيم،وشمل هاد الدعم أفلام روائية طويلة ووثائقية وقصيرة، وزيد عليها مشاريع ديال كتابة وإعادة كتابة السيناريو.
فيلم “PUNITION LA” ديال إسماعيل فروخي خدا 3.9 مليون درهم، ومن بعدو “LES CIMETIÈRE DU OISEAUX” خدا 3.5 مليون درهم، اما 3 ديال الأفلام خرين خداو 3 مليون درهم لكل واحد فيهم، وهما “LE LOUP NOIR CE PASSÉ LÀ” و“THE LAST LESSON – الدرس الأخير” و“LEMDOUNE BIN – بين المدون”.
وففئة الوثائقي، قيمة الدعم كان ما بين 800 ألف ومليون درهم، بحال فيلم “ROUICHA” اللي خدا مليون درهم و“قبور بلا شواهد” اللي خدا 800 ألف درهم، كيف ما استفدات خمسة ديال الأفلام القصيرة من 180 ألف درهم لكل مشروع، وهما “AITA’L VIVA” و“LA PÈRE DU NUIT” و“AMUTL” و“UNE NUIT PARTICULIÈRE” و“تنغيتي القصيدة المحرمة”، عاد خصصات اللجنة 80 ألف درهم لدعم كتابة السيناريو لسبعة مشاريع، وهما “LA PISTE” و“Hakimi – الظلمي” و“SEISME” و“الخبث لا يناسبني” و“AMAL” و“LE TRANSSAHARIEN” و“أغاني الحب والمنافي”، و50 ألف درهم لإعادة الكتابة، بحال “فين غادي بيا” و“طعم السراب” و“الشاي الأخير”.
بالنسبة الدعم المشاريع الوثائقية المرتابطة بالتاريخ والثقافة والمجال الصحراوي الحساني، وصل سقف التمويل لـ980 ألف درهم لبعض منها بحال “سر لعنيبرة” و“TIGADRINE – تيكادرين”، وكاين حتى مشاريع خداو 850 ألف درهم بحال “الهامل” و“سمفونية القماش” و“أكدام الرك”.