هْدية هندية… عراسية بوليوودية سدات شارع مانهاتن فنيويورك (فيديو)

كود – وكالات//

طلع تراند فسوشلميديا واحد الفيديو ديال عرس هندي فـنيويورك، مني تسد واحد من أشهر الشوارع بطريقة ما متوقعاش،. العرس ما كانش احتفال عادي، وإنما كرنفال احتفاليه وسط الشارع.

فـمانهاتن، وبالضبط فـ الشارع الخامس، خرجات العروسة والعريس فطوموبيل محلولة، كيغنّيو بالمايك على طريقة الأغاني البوليوودية، والجو كلو عامر بالموسيقى والشطيح والنشاط بحال شي فيلم هندي.

https://x.com/i/status/2050870605164040570

المعروضين شاركو فالفرحة بطريقة خلات الشارع يتحوّل لواحد المسرح ديال الاحتفال، الناس اللي كانوا دايزين من تما وقفو كيتفرجو، وكيصوّرو حيث بحال هاد الديكور ما كيتشافش كل نهار.

كاين اللي عجبو الحال وشافها فرحة زوينة وكتعبّر على ثقافة مختلفة، وكاين اللي انتاقد كيفاش تسدّ شارع مهم بحال هادا بسبب عرس.

إقرأ الخبر من مصدره