كود سبور//
ناويين المديرية المركزية للتحكيم يديرو كاميرات للحكام “BodyCam” باش يرصدو تحركات الحكام فالماتشات وكيفاش كايشوفو ومن اشمن زوايا كايعلنو قرارتهم وشنو كايوقع ما بينهم وبينهم وبين الحكام.
وأعلن رضوان جيد مدير المديرية المركزية للتحكيم اليوم الخميس، ان هاد الإجراء الجديد غادي يدخل فمرحلة التجربة قبل ما يتطبق على گاع المباريات، وهاد التجربة غادي تبدا فالماتش ديال الديربي بين الرجاء والوداد الرياضيين يوم السبت الجاي ضمن الدورة 20 من البطولة.
وكايجي هذا الإجراء بالتزامن مع احتجاجات على التحكيم من طرف الاندية وجماهيرها وانتقادات قوية بسبب تراجع مستوى الحكام وقرارات تحكيمية مثيرة للجدل.