كود -كازا//
فاقت الساحة الفنية والثقافية المغربية اليوم على وفاة الفنان والمخرج والكاتب المسرحي نبيل لحلو، واحد من الأسماء الكبيرة اللي عطاو الكثير للمسرح المغربي لسنين طويلة.
نبيل الحلو الصديق والمتتبع لموقع ݣود، كان معروف بأعمالو الجريئة وبحضور فني قوي، وبأسلوب مختلف خلاه يفرض راسو كواحد من الأسماء اللي ما كيتعاودوش فالمشهد الثقافي المغربي. كيف ما كان ديما كيدافع على حرية التعبير وكيقدم أعمال فيها نقد وجرأة وصدق فالفن.
بنات الفن كان نبيل الحلو صوفيا وهدى هما لي أكدو الخبر هاد الصباح، بعدما كان كيعاني من المرض فالفترة الأخيرة، الراحل كان غادي يقدم مسرحيتو الأخيرة فالسيمانة لي فات، نهار 4 ماي بمدينة مكناس، ولكن الظروف الصحية مسمحاتش له، الفقيد غادي يتدفن اليوم الخميس مع العصر فمقبرة الشهداء.
وفشهادة مؤثرة قالها بوسلهام الضعيف فحق الفقيد :
“تفقد الكلمات معانيها
لم يكن بحب النفاق وكلمات التابين
كان صريحا مثل سكين
واضحا مثل كل البسطاء
كبيرا وكبيرا عاش في غير زمانه
اخبرتني هذا الصباح ابنته برحيله
الكبار لايموتون ..نبيل المسرح المغربي رحل كريما، مثل شجرة مات واقفا