كود -وكالات//
نشرات رئيسة الحكومة الإيطالية جورجيا ميلوني صورة ديالها مخدومة بالدكاء الإصطناعي، كتبان فيها لابسة لانجري.
ميلوني قالت أن لي صنعو الصورة “فركسوها مزيان” وفنفس الوقت حدرات رئيسة الحكومة الناس وقالت لهم يتأكدو قبل ما يصدقو الصور ولا يشاركوها.
القضية جات وسط نقاش كبير فإيطاليا بسبب انتشار صور مخدومة لسياسيات، الشي اللي خلا السلطات تناقش واش قوانين “الانتقام الإباحي” خاصها تشمل حتى المحتوى المصنوع بالذكاء الاصطناعي، وتفتحات حتى تحقيقات وتسدو صفحات كانت كتنشر هاد النوع من الصور.
اللي خلا موقف ميلوني يبان مختلف هو أنها واجهات الموضوع بصراحة وما تجاهلاتوش، وعرفات باللي عندها القدرة تدافع على راسها عكس بزاف ديال الناس العاديين وحتى السياسيين.