المغرب حطم أرقام قياسية فاستيراد المونگ وانفتح على أسواق جديدة

كود -أگادير //

المغرب استورد ديسير المانگا بشكل كبير ف2025وهاد الشي خلا البلاد تسجل رقم قياسي للمرة الخامسة فهاد النوع ديال الفواكه، حسب تقرير نشرو الموقع المتخصص فأسواق الخضر والفواكه ايست فروي.

وذكر التقرير بلي المغرب استورد العام اللي فات 21 ألف و900 طن من المانگا ، بقيمة وصلات لـ16.5 مليون دولار، بزيادة كتقرب ل 40 فالمية مقارنة مع عام 2024. كما ضّاعفات الكميات المستوردة تقريباً ثلاث مرات  فآخر خمس سنين.

وحسب نفس المصدر، الإنتاج المحلي ديال هاد الفواكه مازال محدود وتجريبي، وهاد الشي كيخلي السوق المغربية تعتمد بزاف على الاستيراد باش تلبّي الطلب المتزايد على المانگا.

وعرفات لائحة الدول المصدّرة للمغرب تغييرات ف 2025، بعدما عرف موسم مالي الروطار فالإنتاج، الشي اللي خلا المغرب يقصد دول بحال بوركينا فاسو والبيرو ،و حتى إسبانيا رفعات صادراتها للمغرب بشكل كبير فالنص الثاني من العام

وفتواخيرة ديال 2025، جات السنغال فالمرتبة الأولى كمزود رئيسي للمغرب بحصة 21 فالمية، متبوعة بإسبانيا و بوركينا فاسو، اما مالي مشات للبلاصة الرابعة دما نقصات صادراتها ب 25 فالمية.

كما سجلات البيرو والكوت ديفوار ارتفاع فالصادرات ديالهم  لمغرب، عكس الواردات الجاية من مصر والبرازيل تراجع ملحوظ.

إقرأ الخبر من مصدره