كود- وكالات//
الممثلة Kilcher اللي معروفة بـ“بوكاهونتاس” كتقول أنها رفعات دعوى قضائية ضد المخرج جيمس كاميرون، وكتهمو بأنه “سرق” ملامح وجهها واستعملها فتصميم شخصية من فيلم أفاتار بلا ما ياخد الإذن ديالها ولا يعطيها تعويض.
حسب الدعوى اللي وصلات لـ”إن بي سي نيوز”، الممثلة كوريانكا كيلتشر كتقول إن كاميرون شافها فإشهاى ديال فيلم The New World اللي خرج عام 2005، ومن بعد طلب من فريق التصميم ديالو يبني شخصية “نيتيري” اللي لعباتها زوي سالدانيا على أساس ملامحها.
الدعوى كتقول إن جيمس كاميرون استغل ملامح وجه وهوية ثقافية ديال شابة من السكان الأصليين باش يدير سلسلة أفلام ناجحة بزاف، ولكن بلا ما يعطيها لا تقدير لا تعويض.
كيلتشر كتقول إنها ما كانتش عارفة أنها كانت مصدر ديال الإلهام حتى تلقات بكاميرون فواحد المناسبة عام ف2010، يعني من بعد ماخرج الجزء الأول ديال أفاتار.
وفهاد اللقاء، كاميرون عطاها رسم موقّع ديال شخصية “نيتيري”، وكتب فيه أن جمالها هو اللي كان مصدر الإلهام الأول للشخصية، وقال لها إنه كيتمنى تشارك معه فالفيلم المرة الجاية‘‘.
كيلتشر ما بغاتش تشارك وهي دابا كطالب تعويضات مالية كبيرة، وتعويضات عقابية، واسترجاع الأرباح اللي كتقول أنها جاية من استغلال ملامحها، وحتى بغات أوامر قضائية باش يكون تصحيح علني وتعويض مادي .