كود – وكالات//
فخطوة غريبة واحد المعبد بودي دار مراسم خاصة باش يترسّم روبو بشري سميتو “غابي” كراهب بوذي، فمحاولة للمعبد يرجعو الشباب يهتمو أكثر بالبوذية فكوريا الجنوبية
الروبوت لبس اللباس التقليدي ديال الرهبان، وعطاو ليه تسبيح فيها 108 عگدة، وحتى شهادة رسمية فيها تاريخ “تصنيعو”، بحال أي راهب جديد كيدخل للطايفة.
المبجل سونغوون، المسؤول الثقافي فالمعبد، قال إن الفكرة بدات غا بضحك ولكن داباولات مشروع حقيقي، خصوصاً مع الانتشار الكبير ديال الروبوتات والذكاء الاصطناعي فحياة الناس.
وكيجي هاد الحدث فوقت كتعاني فيه البوذية فكوريا الجنوبية من تراجع كبير وسط الشباب، بحيث نسبة الناس اللي كيعرفو راسهم بوذيين هبطات بزاف مقارنة مع السنوات اللي فاتت.
https://x.com/i/status/2051987843996852245
وفهاد المراسم، خدا الروبوت خمسات لوصايا بوذية تم تعديلها باش تناسب طبيعتو كآلة، من بينها ما يأذيش البشر أو الروبوتات الأخرى، وما يتصرفش بطريقة خايبة أو فيها القوالب ،وحتى القاعدة الخامسة كانت غريبة شوية: “ما يقويش الشارج ديال ضو ”.
سونغوون وضّح باللي الهدف ماشي غير روبو كيمارس الطقوس الدينية، ولكن حتى فتح نقاش على العلاقة بين التكنولوجيا والدين، وكيفاش الذكاء الاصطناعي ممكن يدخل حتى للمجال الروحي.
ومن المنتظر يشارك “غابي” السيمانة الجاية فموكب الفوانيس السنوي اللي كيتنظم احتفالاً بعيد ميلاد بوذا، معا روبوتات أخرى تابعة للمعبد.