گود سبور//
حيدرو الرجاء والوداد الرياضيين، الكلاشات اللي كانو دارو من البارح بالليل واللي شابعين تمييز وعنصرية بين الطرفين، وهذا الشي قبل الديربي اللي ملعبو اليوم السبت ضمن الدورة 20 من البطولة.
وحسب المعلومات المتوفرة، فإدارة الرجاء وإدارة الوداد عطاو تعليماتهم للمسؤولين على الديجيتال فالفراقي بجوج باش يحيدو هذاك التخربيق اللي نشروه والمسيء لهم وللكورة المغربية وللمغاربة، بعدما جاتهم تعليمات من جهات عليا، اللي تدخلت باش تسالي هدا المسلسل المسيء.
هاد الكلاشات بين الصفحات الرسمية ديال الرجا والوداد كايبين ضعف الناديين، وضعف التكوين والوعي الاجتماعي والثقافي عند اللي خدامين فالديجيتال ديال الناديين واللي بينو ان الجانب الإنساني حتى هو ما كايفهموش فيه.