گود سبور//
غادي اتبّع عيون الجماهير الرياضية حول العالم، يوم الجمعة 12 يونيو مع الساعة 13:30 بالتوقيت المحلي فكندا حفل افتتاح بطولة كأس العالم FIFA 2026، واللي غادي ترحب بالعالم فحفل نابض بالحياة مستوحى من ثقافاتها المتنوعة والغنية اللي غاتوحد عشاق كرة القدم، ووسط هذا الحفل العالمي الكبير غادي تكون فنانة مغربية.
وهذا الحفل الكبير غادي تشارك فيه نخبة من نجوم الموسيقى العالمية، من بينهم المغربية نورة فتحي، وألانيس موريسيت، وأليسيا كارا، وإليانا وجيسي رييز، ومايكل بوبلي، وسانجوي، وفيجدريم، وويليام برينس، وفنانين اخرين، من خلال الموسيقى اللي كاتعكس طاقة البطولة وتنوعها، وغادي يربط العرض المشجعين فتورنتو بالاحتفالات اللي غادي تكون فجميع أنحاء كندا والمكسيك والولايات المتحدة.
وحسب الفيفا، فإنتاج كل حفل من الحفلات الثلاث غادي يكون بالتعاون الإبداعي مع استوديو Balich Wonder Studio، ومرتبط كل حفل بخيط إبداعي مشترك يعيد تصور FIFA عبر عدسة ثقافة كل دولة مستضيفة، وفالنسخة الكندية من الحفل الكبير، غادي تكون فيه إعادة تصوير الكأس الذهبية لبطولة كأس العالم FIFA على شكل فسيفساء، بشكل يرمز إلى الشعوب والثقافات والمجتمعات اللي كاتحدد هوية البلاد.
وقال رئيس الفيفا جياني إنفانتينو على هذا الشي: “غادي يكون حفل الافتتاح فتورنتو انعكاساً قوياً لهوية كندا والطاقة المحيطة بكأس العالم FIFA 2026”. “من خلال الموسيقى والثقافة والعروض اللي ما كاتنساش، غادي نستقبلو العالم باحتفال كندي فريد من نوعو، ولكنه مرتبط أيضًا بقصة أكبر تتكشف أحداثها عبر أنحاء المكسيك والولايات المتحدة. وغادي تكون لحظة فخر ووحدة وترقب، وغادي تحتل كندا مكانتها على المسرح الأكبر لكرة القدم.”
الحفل غادي يبدا برحلة فكندا، وغادي يبان فيه العد التنازلي فلحظات كاتبين البلاد من الساحل إلى الساحل. وغادي يطلع شعور بالحفاوة والترحيب اللي كاين فقلوب الناس وحماسهم المشترك، لدعوة العالم كامل باش يكون جزء من هذه اللحظة التاريخية.