گود سبور//
شنو الاضافة اللي عطاو المؤثرين اللي كاتعطيهم العصبة الوطني لكرة القدم الاحترافية دعوات باش يجيو يحضرو الماتش ديال البطولة الاحترافية، من غير انهم كايعطيو منتوج كلو تخربيق.
والمشكل فهادشي هو ان المصورين المهنيين كايتمنعو من التصوير بالتيليفون فالتيران فماتشات البطولة وكايتفرض عليهم يخدمو بالكاميرات وكل مصور مهني خاص تكون عندو كاميرا عاد يقدر يدخل لبلاصة المصورين فالتيران، فالوقت اللي كاتعطي الفرصة لهادو اللي كايقولو على ريوسهم مؤثرين يدخلو يصورو فالتيران حدا المصورين المهنيين بالتيليفون وياخدو راحتهم، وهذا الشي اللي واقع نيت فالديربي يوم السبت 9 ماي 2026 بين الرجا والوداد فستاد دونور ضمن الدورة 20 من البطولة.
خاص القانون يتطبق على كلشي، راه الجامعة الملكية المغربية لكرة القدم والاتحاد الأفريقي لكرة القدم والاتحاد الدولي، كايفرضو على المصورين الصحافيين يصورو داخل الملاعب بالكاميرات، والمؤثرين ما يهبطوش للتيران التحت فين كايخدمو المصورين الصحافيين، أياه هذا الشي مزيان ومع القانون، والعصبة الاحترافية والمندوبين ديال المباريات خاصهم يطبقو هذا الشي كيفما كاتطبقو الفيديراسيون فماتشات المنتخب المغربي وكيفما كايطبقوه الكاف والفيفا.