گود سبور//
خرج الدولي المغربي السابق فيصل فجر، ونقّص من قيمة اختيار أيوب بوعدي للمنتخب الوطني المغربي، وقال إنه جا يلعب للمغرب حيث ما كاينش فين يلعب مع فرنسا.
فيصل فجر كومونطا على فيديو فانستغرام ديال راديو مارس، وقال: “اللاعب ما عندوش بلاصتو فمنتخب فرنسا، وكون كان عندو بصح المستوى كان غادي يلعب مع المنتخب الفرنسي”.
فيصل فجر قال إن المنتخب الفرنسي فيه منافسة قوية بين عدد من اللاعبين، وأن فرنسا اللي ما اختاروهش باش يلعب معهم، وكون كان احسن من اللاعبين اللي عندهم كانو غاديين يعيطو له يلعب معهم، ووضح أن ايوب بوعدي غادي يكون لاعب مزيان فالمستقبل ومرحبا به فالمنتخب الوطني المغربي.