أميمة عطية – كود كازا ///
حتاضنت اليوم الجمعة 15 ماي، قاعة العروض لفنية لي فجامع الحسن الثاني فكازا ، معرض للوحات ديال الفنانة المغربية بشرى بنكيران سعدي، لي كتعبر فيها على لمشاعر والتجارب الإنسانية ديالها.
وعرف هاد لمعرض لوحات كتميز بالألوان لمختلفة ورؤية فنية خاصة بها، خلات زوار استمتعو بتفاصيلها صغيرة.
وكتعتبر بشرى بنكيران سعدي رسامة ذاتية التعلم، تولدت فكازا فـ 1962، ودوزات الطفولة ديالها وسط أحياء الدار البيضاء القديمة علمتها كيفاش تتعامل مع الحياة اليومية والمشاعر ديال الناس، وهدا الشي اللي بان فأسلوبها الفني.
وعرفات المسيرة ديالها الفنية، نسخ أعمال كبار الفنانين بحال Pablo Picasso، ومن بعد دخلات للرسم التجريدي بالألوان الأكريليك والتقنيات المختلطة.
