كود -أگادير//
المغرب كيزيد يكبر بلاصتو فأسواق أوروبا الشمالية، خصوصاً فـفنلندا، بعدما صادرات مطيشة المغربية المباشرة دارت تنقيزة كبيرة فموسم 2025/2026 وحققات رقم قياسي جديد.
وحسب أرقام مؤشراتها شركة إيست فروي، فما بين يوليوز 2025 وفبراير 2026، استوردات فنلندا 2200 طن من مطيشة المغربية، بقيمة كتقرب لـ6 ملايين يورو. هاد الرقم كيعني تقريباً ضوبل د الكمية اللي تصدّرات فالموسم اللي فات، وحتى كثر من مجموع صادرات جوج مواسم قبل، بزيادة فاتت 50 فالمية مقارنة مع الرقم القياسي اللي تسجل ف 2022/2023.
Screenshot
البداية كانت صغيرة بزاف، حيث فموسم 2001/2002 ما كانتش صادرات المغرب لفنلندا كتفوت 37 طن فقط. ولكن من بعد، الطلب بدا كيطّلع شوية بشوية، حتى فاتت الصادرات ألف طن فـ2022/2023، ودابا ولأول مرة تخطات ألفين طن.
أما فرنسا، اللي كانت تاريخياً فالمركز الثالث، عرفات صادراتها تراجع ف 2026، مقابل الطلعة القوية ديال مطيشة المغربية،
اللي تبدل دابا ماشي غير الأرقام، ولكن حتى طريقة التصدير. لسنين طويلة كانت فرنسا بحال محطة كدوز منها مطيشة المغربية قبل ما تمشي لأسواق أوروبا الشمالية، لكن المصدرين المغاربة بداو كيعتمدو كثر على الشارج ديريكت بحال فنلندا، الدنمارك والنرويج، بلا الوسطاء الفرنسيين.
يعني مطيشة المغربية ما بقاتش غير كدوز فالكواليس اللوجستيكية، وولات داخلة للسوق الأوروبية الشمالية باسمها مباشرة .