رافاييل نادال فتح متحف كيعاود على مسيرتو الرياضية فجزيرة مايوركا

كود سبور//

فالخميس 14 ماي، تفتح متحف جديد ديال رافاييل نادال فجزيرة مايوركا، فحفل حضر ليه نادال، وقال باللي هاد المشروع من أكثر الحوايج الميزة فحياتو، المتحف كاين وسط الأكاديمية ديالو، ومخصص للمسيرة الرياضية والحياتو الشخصية.

هاد المتحف اللي سميتو “داخل الأسطورة” فيه جوج ديال الطوابق، وكياخذ الزوار فواحد الجولة كتبدا من الطفولة ديال نادال والأحلام الأولى ديالو، وكتدوز على أهم اللحظات اللي صنعت المسيرة ديالو داخل وخارج ملاعب التنس.

المتحف فيه الكؤوس، الحوايج الشخصية، وسوفونيرات كتورّي الجانب الرياضي والإنساني ديال نادال، وكاينين حتى فضاءات تفاعلية كيقدرو الزوار يجربو فيها شنو كيتطلبو الرياضات الاحترافية، اللي اعتازلها نادال هادي عامين.

المتحف كيجمع حتى تحف أصلية ديال أساطير رياضية بحال Michael Jordan وSerena Williams وTiger Woods وUsain Bolt وLionel Messi وCristiano Ronaldo وPau Gasol.

وبخصوص المستوى الحالي ديال ريال مدريد بعد موسم صعيب، قال نادال باللي فالرياضة مايمكنش تربح ديما، ومن الطبيعي حتى الاعتراف بالأخطاء فالقرارات أحياناً.

إقرأ الخبر من مصدره