هالاند غادي يشارك فتجربة سينمائية بشخصية من الفايكينغ

كود -وكالات//

حسب تقارير إعلامية، النجم النرويجي هالاند غادي يشارك ففيلم جديد سميتو“Queens of the Vikings”، اللي كيشرف عليه المخرج النرويجي Harald Zwart، الفيلم غادي يكون فيه طابع كوميدي ومغامرات، وغادي يدور فعالم الفايكنغ، وسط المحاربين والأساطير والمضايق الجليدية.

هالاند غادي يدير الأداء الصوتي لشخصية فايكنغ هازة سميتو، يعني غادي يقدم نسخة خيالية من راسو وسط أحداث الفيلم، وهاد الخطوة كتعتبر أول تجربة ليه فالتمثيل، بعدما مشا مزيان فالميادين الرياضية.

المخرج هارالد زوارت قال فتصريح لصحيفة The Hollywood Reporter بلي انضمام هالاند للفيلم حاجة كبيرة ومثيرة، حيث ولى رمز عالمي للفايكنغ بفضل القوة ديالو والشخصية ديالو النرويجية.

الفيلم غادي تشارك فيه حتى المغنية Rita Ora، ومن المنتظر يخرج فقاعات السينما فهاد العام.

إقرأ الخبر من مصدره