أميمة عطية كود كازا ///
كتستعد فرقة «فلاش فيلم» باش تقدم المسرحية ديالها «اقطيب الخيزران»، هاد نهار الأحد 17 ماي، على الساعة 8 ديال الليل فالمركب الثقافي الحي المحمدي.
العرض غادي ياخد الجمهور فجو ديال التراث المغربي وقصص الصراعات فالقبائل بطريقة درامية، وتفاصيل المسرحية كتدوي على قصة «هوارة» أو «أقطيب الخيزران»، اللي وقع فيها ولد القايد القرشي الطاغية، فواحد الوقت اللي كان فيه الأب كيسعى يفرض سلطته ويظلم رجال وعيالات القبيلة، وهنا كيتصاعد الصراع بين الأب وولدو وسط أحداث عامرة بالتشويق والإثارة والألم.
فالتمثيل، غادي يشارك عبد الله ديدان، محمد عزام، لمياء خروش، عبد الكريم شبوية ومحمد حمزة، بينما عبد الإله ديدان تكلف بالتأليف والإخراج والدراماتورجيا، ومعاه طاقم فني وتقني ساعد باش يخرج العمل للجمهور فواحد الحلة الفنية مميزة.