گود سبور//
كشف الناخب الوطني محمد وهبي مدرب المنتخب الوطني الأول، ان العقد ديالو مع الجامعة الملكية المغربية فيه حتى لعام 2030.
وفحوار له مع شبكة bein Sports القطرية، كشف محمد وهبي، وقال: “العقد ديالي فيه حتى 2030، ولكن أنا اليوم مركز على 2026 على كاس العالم وجوج نسخ من كاس أفريقيا (2027 و2028)، وكاس العالم 2030”.
واكد محمد وهبي: “العقد ديالي غادي يسالي فعام 2030، حتى لكاس العالم 2030، ولكن هذا الشي ماشي مهم بالنسبة والهدف ديالي هو نوجد لمونديال 2026، بأحسن طريقة ممكنة، علاش؟ حيث كانوجدو لـ2030 بأننا نديرو حوايج مزيانين فمونديال 2026، وكاين كاس افريقيا 2027 وكاس افريقيا 2028، وهاكدا كانوجدو لـ2030، والتنافسية مطلوبة من دابا، وراني قلتها من ورا كاس العالم اقل من 20 عام، وكانعاودها راه حنا ما غاديش نتسناو 2030 باش نقدمو مستويات ممتازة”.