جوج طيارات فمريكان دارو كسيدة مني كان كيديرو عرض فالسما وها شنو وقع (فيديو)

كود -وكالات//

عرفات البارح قاعدة ماونتن هوم الجوية فولاية أيداهو الأمريكية، حادثة خطيرة من بعدما تصادمو جوج طيارات حربيات تابعين للبحرية الأمريكية وسط عرض جوي.

الحادث وقع البارح الحد ف عرض“Gunfighter Skies”، ملي كانت الطيارات كتدير مناورات استعراضية فالجو.

https://x.com/i/status/2056089780518305868

وحسب البحرية الأمريكية، الطيارات اللي تصاطحو من نوع EA-18 Growler، وكان فيهم 4 من الطاقم، وكلهم قدرو ينقزو بالباراشوت قبل ما تطيح الطيارات، السلطات أكدت باللي فلتو كاملين، وتدار ليهم فحص طبي، والحالة ديالهم مستقرة.

فيديوهات تصورات من طرف الحاضرين وثّقات اللحظة اللي تصادمو فيها الطيارات، ولي بانو لاصقين فالجو قبل ما يهبطو دغيا ويتفرگعو وسط القاعدة الجوية.

البحرية الأمريكية وضحات أن الطيارات تابعين لسرب الهجوم الإلكتروني فولاية واشنطن، أما السبب الحقيقي ديال الحادث مجهول، والتحقيق مازال خدام باش يعرفو شنو اللي وقع بالضبط.

إقرأ الخبر من مصدره