كود -وكالات//
فمهرجان كان السينمائي هاد العام، بزاف ديال النجمات اختارو يخرجو على اللوك التقليدي، باش يبانو بْطْلات جاية من ستايل الرجال، سوا فاللباس او فاللوك الكلاسيكي العصري.
عارضة الأزياء البريطانية كارا ديليفين كانت من أكثر النجمات اللي شدّو العين، بعدما لبسات الكحل مخطط بالأبيض من دارTom Ford، فيها جاكيت وسروال مع قميص شفاف، ونسقات اللوك مع كوب دشعر فرنساوي.
حتى الممثلة الأمريكية أوديسا أزيون اختارت لبسة رمادية واسعة من مجموعة الرجال ديال Dior بتصميم جوناثان أندرسون، وكمّلات اللوك بنظاظر ديال الشمس عصرية بعيدة على الستايل الكلاسيكي المعروف فالزربية الحمرا.
ومن جهتها، المخرجة والممثلة الكندية شارلوت لو بون بانت حتى هي بستايل رجالي كلاص من ديور، فيه جاكيت قصيرة وسروال كلاسيكي مع شوميز بيض وشال خفيف.