كود سبور//
علمت “گود” من مصادر مطلعة ان فوزي لقجع رئيس الجامعة الملكية المغربية لكرة القدم، انه غادي يكون حاضر فميريكان لتشجيع المنتخب الوطني المغربي ودعم اللاعبين من الماتش الاول فمونديال 2026 ضد البرازيل.
وكشفت مصادر “كود” أن فوزي لقجع رئيس الجامعة الملكية المغربية لكرة القدم، من المنتظر يكون فنيوجيرسي لمساندة المنتخب الوطني المغربي فأول ماتش فالمونديال، واللي غايكون ضد البرازيل يوم 13 يونيو 2026.
المصادر نفسها، توقعت باللي فوزي لقجع موحالش يحضر اجتماع اللجنة التنفيذية للاتحاد الدولي لكرة القدم اللي هو عضو فيها، وحتى افتتاح كاس العالم فميكسيكو موحال يحضرو يوم 11 يونيو 2026، بسبب الالتزامات ديالو الحكومية، ولكن غادي يسافر لميريكان باش يلحق اول ماتش للأسود ضد البرازيل، ويكون داعم ومساند لهم قبل هاد المواجهة المهمة والحاسمة اللي هي ساروت تحقيق مشاركة مزيانة فكاس العالم.