گود سبور//
تواصل الجامعة الملكية المغربية لكرة القدم والشريك ديالها التاريخي الخطوط الملكية المغربية، الخدمة ديالهم باش يضمنو ديما للجمهور المغربي حضور ماتشات المنتخب الوطني المغربي فالتظاهرات الدولية.
وهذه المرة قدرت الجامعة الملكية المغربية لكرة القدم مع الخطوط الملكية المغربية، توفير عروض واعرين وزوينين للجماهير المغربية اللي باغيين يمشيو يشجعو المنتخب الوطني المغربي فمونديال 2026 فالميريكان، حيث العرض ديال رحلة من المغرب لميريكان اللي دارتو لارام ابتداء من 10000 درهم، غادي يوفر للمشجعين المغاربة فرصة شراء تذاكر المنتخب المغربي ديال ماتشات الدور الاول ابتداء من 500 درهم حتى لـ3000 درهم لكل مشجع قطع تذكرة السفر من عند لارام.
الجامعة الملكية المغربية لكرة القدم مع الخطوط الملكية المغربية، قدرو على توفير خطوط ما بين الدار البيضاء ونيويورك وبوسطن وأتلانتا، باش الجماهير المغربية يقدرو حضرو تماك لتشجيع المنتخب الوطني المغربي فالمونديال.