گود سبور//
عبر الاتحاد السنغالي لكرة القدم على الشكر ديالو للمغرب، حيث الملك محمد السادس عفا على المشجعين السنغاليين اللي كانو تحكمو فالرباط بسبب الشغب اللي داروه ففينال كأس أفريقيا فتيران مولاي عبد الله.
الاتحاد السنغالي لكرة القدم، قال فبلاغ له انهم فرحانين حيث المشجعين السنغاليين خرجو من الحبس وعنقو الحرية، وهي الحرية اللي ولات ممكنة بفضل العفو الملكي اللي منحو لهم الملك محمد السادس بروح الأخوة والتضامن والعلاقات الممتازة بين الشعبين المغربي والسنغالي.
وشكر الاتحاد السنغالي لكرة القدم، السلطات المغربية وجميع الأشخاص والمؤسسات والجهات الفاعلة لي دارت مجهود باش المشجعين السنغاليين يرجعو بحالهم.