واش بصاح خاص وزير الفلاحة يحط السوارت كيف كيطالب الرميد ؟ وعلاش ما استاقلش هو باش خرج فيديو الزفزافي؟. فين الشجاعة السياسية قدام وزير عتق كازا مدينتك من العطش وماشي بزاف باش شد وزارة الفلاحة وبغيته يطير بسبب السوق الحرة..

كود الرباط//

مصطفى الرميد، القيادي البارز السابق ف حزب العدالة والتنمية، واللي تخلى على حزبو ف احلك الأوقات والظروف السياسية، قرر يغادر العمل الحزبي ولكن باين باقي مسكون بالسياسة خصوصا ف التدوينات لي كيخرج بها.

وزير الدولة المكلف بحقوق الانسان سابقا، للي كانت مرحلتو فاش كان وزير الدولة عرفت اعتقالات كثيرة للصحفيين، واعتقالات لنشطاء حراك الريف ومدونين. الرميد لم يحرك ساكنا، مقدمش استقالتو فاش خرج فيديو مهين لناصر الزفزافي، زعيم حراك الريف، فيديو فيه عريان واللي تشهر ف2017 وكولشي انتقد الاسلوب وكيفاش تسرب. الرميد كان عليه يقدم استقالتو احتراما لكرامة السجين أولا قبل ان يكون زعيما لحراك او نشاط احتجاجي او متهما في ملف.

الرميد غابت عليه الشجاعة السياسية لي كيطالبها اليوم فوزير الفلاحة الجديد، للي يالله حط رجليه ف قطاع خصو ثورة بحال الثورة لي دار ف اوطورت الماء وعتق مدن من العطش بما فيها كازا لي كيعيش فيها الرميد.

للي مامفهومش من الاسلاميين خصوصا انهم كانو ف التدبير، مطلعين على المعطيات والارقام، بحال الرميد يطالب استقالة وزير الفلاحة بسبب المضاربات فالسوق (التجارة) ، مقالهاش على رياض مزور ولا الداخلية ولا المالية، للي كلهم قطاعات معنية بالموضوع.
علاش ما يمشيش الرميد بعيد، وانتقد هاد الخلعة لي ركبو رجال السلطة ف الكسابة والوسطاء والتجار باش كيتدخلو ويفرضو عليهم الاثمنة باش يبيعو، ومنهم لي مبغاش يخرج الحوالا للسوق. خرق واضح للقانون ولحقوق الكساب والتجار

إقرأ الخبر من مصدره