تراند فتيك توك.. كيفاش الكافيار ولى ديال الدراوش؟

كود -وكالات//

ما بقاش الكافيار الحقيقي غير ديال المناسبات الراقية ولا الناس لمرفحة ، وانما ولا ظاهرة وتراند كيجبد الشباب، خصوصاً بفضل مواقع التواصل الاجتماعي.

وحسب تقرير دارتو مجلة Forbes، متوقع سوق الكافيار فالعالم يوصل ل 688 مليون دولار حتى لعام 2032، وهاد الشي بسبب التراندات والتحديات المشهورة فـ TikTok بحال “caviar bumps”، اللي فيها الناس كياكلو الكافيار مباشرة من فوق يدهم.

https://vt.tiktok.com/ZSxXsPVCb/

وفعالم الماكلة، بزاف ديال المطاعم بداو كيعممو تجربة   ديال الكافيار باش يولي تجربة عادية وممتعة وقدر عليها أي واحد، ماشي غير رمز ديال الرفاهية.

الطباخة كيأكدّو باللي كاينين أنواع بزاف وبأثمنة مختلفة كتناسب الناس كاملين؛ بحال كافيار “بيلوجا” المعروف بالمذاق المزبد ديالو، و“أوسيترا” اللي عندو نكهة ديال البيستاج، وحتى أنواع رخيصة ومحلية بحال “هاكلباك” و“بايدلفيش”، اللي كيتعتابرو اختيار مناسب للّي باغي يجرّب الكافيار لأول مرة.

وخا هاد التجديد كامل، خبراء التغذية كيشددو على ضرورة الحفاظ على بعض القواعد الأصلية ديال تذوق الكافيار، ومن بينها استعمال معالق مصنوعة من عرق اللؤلؤ، حيث المعالق ديال المعدن ممكن تتفاعل مع الكافيار وتبدل ليه المذاق الرقيق ديالو.

إقرأ الخبر من مصدره